ရှဥ့်မတက် (သို့ မဟုတ်) ကုန်းကညွတ် (Asparagus Racemosus Lin)

ရှဉ့်မတက်ကို ကုန်းကညွှတ်ဟုလည်းခေါ်ကြသည်။ ရှဉ့်မတက်၏ ရုက္ခဗေဒအမည် မှာ(Asparagus Racemosus Lin) ဖြစ်သည်။ မြန်မာအမည်ဖြင့် ကညွတ်ရှဉ့်မတက်ဟု ခေါ်သည်။ ရှဉ့်မတက်၏ မူလမျိုးရင်းမှာ နှင်းပန်းမျိုးရင်း ဖြစ်သည်။

ပုံသဏ္ဍာန်အားဖြင့် ဆူးခြုံနွယ်ဖြစ်ပြီး ဆူးငယ်လေးများ အများအပြား ပါရှိ လေသည်။ အပင်အောက်ခြေမြေကြီးထဲတွင် ဥများ များပြားစွာအုနေတတ်သည်။ အရွက်မှာ ငှက် မွှေးရွက် ပေါင်းဖြစ်သည်။ရွက်မြွာများမှာ အစိမ်းရင့်ရောင်ရှိ၍ အပ်ချောင်း သဏ္ဍာန်ဖြစ် သည်။ ရှဥ့်မတက်အပွင့်မှာ ဖြူ၍သေးငယ်သည်။ မွှေးကြိုင်သော အနံ့ရှိသည်။ အခိုင် လိုက်ပွင့်တတ်သည်။ အသီးမှာ ငရုတ်ကောင်းစေ့ခန့်ရှိကာ အသီးမှည့်လျှင် အနီရောင် ရှိသည်။

ဗြတိသျှဆေးကျမ်းနှင့် အိန္ဒိယဆေးကျမ်းများအဆိုအရ ရှဥ့်မတက်၏ အညှောက်နှင့် ဥသည် ဆီးရွှင်ဝမ်းသက်စေပြီး နှလုံးလုပ်ငန်းများကိုလည်းမှန်ကန်ညီညွတ်စေသည်။ ရှဉ့်မတက်တွင် Asparagin ဓာတ်တစ်မျိုးပါဝင်ပြီး ယင်းဓာတ်၏ အကျိုးတရားများ ဖြစ်လေသည်။ ဖောရောင်နာ၊ မြစ်ချောက်နာနှင့် နှလုံးတုန်ရင်ခုန်ရောဂါများတွင် အများဆုံးသုံးလေသည်။ လေထိုးလေအောင့်၊ကျောက်တည်ရောဂါ၊ ဒူလာပါဒရက် ရောဂါ များအတွက်လည်း များစွာအကျိုးပြုလေသည်။

သိပ္ပံနည်းကျဓာတ်ခွဲကြည့်ပါမူရှဉ့်မတက် (၅)ကျပ်သား တွင် ကယ်လိုရီခွန်အားယူနစ် ၁၄ ရေငွေ့ဓာတ် ၉၂.၉ဂရမ် အသားဓာတ် ၁.၄ဂရမ် ထုံးဓါတ် ၂၁.၀မီလီဂရမ် သံဓာတ် ၉ မီလီဂရမ် ဗီတာမင်(အေ) ၁၀၀၀ယူနစ် ဗီတာမင်(ဘီ) ၀.၁၆ယူနစ် ဗီတာမင်(ဘီ၂) ၀.၁၉မီလီဂရမ် နိုင်ယာစင်ဓာတ် ၁.၄မီလီဂရမ် ဗီတာမင်(စီ) ၃၃.၀မီလီဂရမ်တို့ ပါဝင်သည်။

မြန်မာဆေးကျမ်းများအလိုအရ။ ရှဉ့်မတက်သည်ချိုဆိမ့်၏၊ခါး ၏၊ ခွန်အားကိုဖြစ်စေ၏။ ၀မ်းမီးကို တောက်စေကာ ၀ဖြိုးစေ၏။ သုက်၊နို့ရည်ကိုပွားများစေ၏။ နှလုံး ရောဂါ၊သွေးအန်၊ သွေးကျ၊ အဆုတ်နာတို့ကို ပျောက်စေ၏သလိပ်သည်းခြေကိုနိုင်၏။ သွေးလုံးလေလုံး ရောဂါ၊ဖေါရောင်ခြင်း၊မျက်စိရောဂါ၊အဖျားရောဂါတို့ကို ပယ်၏။ ရှဥ့်မတက်၏ စွမ်းရည်သည် တစ်ကိုယ်လုံးကိုပျံ့နှံ့စေကာ အကျိုးကိုပြုသည်။ အသက် ကိုလည်းရှည်စေသည်ဟု ညွှန်းဆိုထားသည်။ဓါတ်သဘောအရ သီတတေဇောဓာတ်စာ၊ ဆီးများ၊ လေသက်ဟု မှတ်လေသည်။

ဥအသုံးဝင်ပုံ

(၁) ရှဉ့်မတက်ဥကို ချက်ပြုတ်စားခြင်း၊နွားနို့နှင့် ရောကျို၍ သုံးဆောင်ပါက ခွန်အားကို သိသာစွာတိုး၏။

(၂) ချောင်းခြောက်ရောဂါအတွက် ရှဉ့်မတက်ဥ၊မုယားကြီးရွက်၊ သကြားခဲဖြင့် ရော ၍သောက်ရ၏။

(၃) အဆစ်အမြစ်များ ရောင်ရမ်းကိုက်ခဲခြင်းနှင့် တစ်ကိုယ် လုံးကိုဖေါက်ပြန်စေ သည့်လေရောဂါအတွက် ရှဉ့်မတက် ဥရည် သက်သက်ဖြင့်ချက်ထားသော ဆီဖြင့် လိမ်းကျံပေးရ၏။

(၄) ရှဉ့်မတက်ဥကို ကျို၍ သကြားခဲရောပြီး ပျားရည်နှင့်စပ်သောက်ပါက ဆီးပူ သောရောဂါနှင့် ဆီးအောင့်သော ရောဂါကို ပျောက်ကင်းစေ၏။

(၅) ရှဉ့်မတက် ဥရည်တွင် ပျားရည်နှင့် နွားနို့ရောပြီး နံနက်၌ သောက်ပါက အပူအကိုက်နှင့် သည်းခြေရောဂါတို့ကို ပျောက် ကင်းစေသည်။

(၆) ရှဉ့်မတက်ဥကိုကြိ်တ်၍ ညှစ်ရည်နှင့်နွားနို့ရောပြီး သောက် သုံးပေးပါက ကျောက်တည်ရောဂါကိုပျောက်၏။

(၇) ရှဉ့်မတက်ဥကိုကြိတ်၍ ပျားရည်ရောသောက်ပါက မီးယပ်ရောဂါပျောက်၏။

(ဂ) သားသည်မိခင်များရှဉ့်မတက်ဥအမှုန့်ကို နွားနို့နှင့် ရောစပ်သောက်ခြင့်ဖြင့် မိခင်၏ နို့ရည်ကို တိုးပွားစေ၏။

(၉) ရှဉ့်မတက်ဥရည်တွင် နွားနို့ရော၍သောက်ပါက အဆိပ်သင့်ခြင်းအမျိုးမျိုးကိုပျောက် ၏။

(၁၀) ခွန်အားတက်ကြွစေရန်ကား ရှဉ့်မတက်ဥကို အမှုန့်ကြိတ်ပြီး ပျားရည်၊ ငရုတ်ကောင်း အနည်းငယ် ရောစပ်သောက်ရ၏။

ကျမ်းကိုး မြန်မာ့ဆေးဝါးပင်များ

ဝင်းသူရညွန့်  

(21-10-2018)